ԹՐԻՓՓ-ի շուրջ քննարկումները շարունակվում են, փաստաթղթերի համաձայնեցման փուլում ենք։

«Ենթադրում եմ, որ հաջորդ փուլում ինչ-որ միջկառավարական համաձայնագրի նման բան պետք է ստորագրվի, որից հետո կազմակերպություն կհիմնադրվի։ Մենք ասում էինք, որ ուզում ենք այնպես լինի, որ տարվա վերջ կամ կեսերին շինարարություն սկսվի, չգիտեմ՝ դա ինչքանով է իրատեսական, դա ցանկություն էր ամեն դեպքում»,– ասել է՝ նշելով, որ կապը կա։ Խաղաղության պայմանագրի ստորագրման հարցի շուրջ, ըստ նրա, դիրքորոշումը չի փոխվել, պատրաստ են ամեն պահի ստորագրել։

Անդրադառնալով Իրանում տեղի ունեցող իրադարձություններին՝ չմանրամասնեց Արաղչիի հետ հեռախոսազրույցից։ Նրա խոսքով՝ ցանկանում են օր առաջ տեսնել Մերձավոր Արևելքում դեէսկալացիա, ռազմական գործողությունների դադարեցում, ցավ են ապրում ռազմական գործողությունների, զոհերի համար։ Նա նշեց, որ գործընկերներին ասել են՝ եթե Հայաստանը որևէ կերպ կարող է նպաստել դա իրականություն դարձնելու, ապա պատրաստ են։ Ինչ վերաբերում է հումանիտար օգնությանը, ապա չցանկացավ դա հրապարակային ասել։ Ինչ վերաբերում է Հայաստանի և Իրանի միջև ռազմավարական գործընկերության պայմանագրին, ապա դրա շուրջ քննարկումներն առայժմ դադարեցված են, փաստաթուղթը հասկանալի պատճառով այս պահին չի քննարկվում։