Հայկական ապրանքների արգելքը դեպի Ռուսաստան. փորձագետը կանխատեսում է կոլապս

Բաժանորդագրվել

Տնտեսագետը նշեց, որ ՀՀ գյուղատնտեսության ոլորտում գործում է շուրջ 320 000 գյուղացիական տնտեսություն, որոնց մեջ մի ստվար զանգված կողմնորոշված է հենց արտահանման ուղղությամբ։

ԵՐԵՎԱՆ, 31 մայիսի – Եթե Հայաստանի համար փակվեն կամ սահմանափակվեն դեպի Ռուսաստան արտահանման հնարավորությունները, հնարավոր չի լինի ո՛չ միջնաժամկետ, ո՛չ էլ առավել ևս կարճաժամկետ հեռանկարում դիվերսիֆիկացնել և՛ ալկոհոլային խմիչքների, և՛ պտուղ–բանջարեղենի արտահանումը, օրինակ, դեպի Եվրամիություն։ հետ զրույցում այս տեսակետը հայտնեց տնտեսագիտության թեկնածու, գյուղատնտեսության փորձագետ Վարդան Ալեքսանյանը։

«ԵՄ շուկան երբևիցե չի կարող փոխարինել Ռուսաստանի Դաշնության շուկային։ Ոչ միայն արտահանման, այլև Ռուսաստանից ներկրման խնդրի առաջ ենք կանգնելու։ Չպետք է մոռանանք, որ կենսական կարևոր նշանակության թիվ մեկ ապրանքը` ցորենը, բացառապես ներկրվում է Ռուսաստանի Դաշնությունից։ Մի քանի վագոն Ղազախստանից կամ այլ երկրներից ներկրումը չի կարող ապահովել բավարար ծավալներ»,– ընդգծեց տնտեսագետը։

Ըստ նրա` բացի այն, որ մենք ի դեմս Ռուսաստանի այսպիսով կկորցնենք մեր արտահանման ռազմավարական շուկան, այլև կկանգնենք դեպի Եվրամիության շուկա կողմնորոշվելու անորոշ ապագայի առաջ։

Ալեքսանյանի գնահատմամբ` բացի լոգիստիկ հարցերից, ՀՀ–ն նաև ապրանքատեսակների արտահանման և իրացման խնդիր կունենան ԵՄ–ում։

«Տեսեք` ԵՄ շուկաներում 3–4 եվրոյով իտալական գինի է վաճառվում։ Հայաստանի Հանրապետությունում արտադրվող գինին լոգիստիկ գործող պայմաններում, որտեղ ոչ միայն տրանսպորտային, այլ նաև կապուղիների հետ կապված խնդիրներ կան, չի կարող հասնել ԵՄ և մրցակցել ռումինական, մոլդովական, իտալական, իս