Մոսկվայում և Մերձմոսկովյան շրջանում սահմանափակել են բենզինի վաճառքը

Մոսկովյան տարածաշրջանում գործող «ՕՐՏԿ» լցակայանների ցանցը սահմանափակել է բենզինի վաճառքը։

Տրոիցկի լցակայաններից մեկում փակցված է հայտարարություն, համաձայն որի՝ մայիսի 30-ից սկսած և «մինչև հաջորդ կարգադրությունը» մեկ անձին վաճառվում է առավելագույնը 60 լիտր բենզին և 100 լիտր դիզելային վառելիք։

Ընկերության գրասենյակից հայտնել են, որ սահմանափակումներ են մտցվել ամբողջ ցանցում։ Դեռևս հայտնի չէ, թե որն է եղել նման որոշման պատճառը։

«Ռոսնեֆտ» և «Տատնեֆտ» ընկերություններից հայտնել են, որ իրենց լցակայաններում ընդհանուր սահմանափակումներ չկան, սակայն, իրավիճակից կախված, առանձին կայաններում սահմանափակումներ կարող են կիրառվել։ «Լուկօյլ»-ից հայտարարել են, որ դիզելային վառելիքի համար սահմանափակում չկա, իսկ բենզինը վաճառվում է մեկ անձին առավելագույնը 100 լիտր։ «Գազպրոմ»-ից իրենց հերթին հայտնել են, որ Մոսկվայում և մարզում գործում են ինչպես դիզելի, այնպես էլ բենզինի սահմանափակումներ (մեկ անձին 100-150 լիտր)։

Հունիսի 2-ին հայտնի դարձավ, որ մայիսի վերջից Սանկտ Պետերբուրգում բենզինի վաճառքի սահմանափակումների են բախվում։ Վառելիքի բացթողնման սահմանափակումների մասին նախազգուշացումներ են հայտնվել քաղաքից հեռու գտնվող մի քանի լցակայաններում։ «Կիրիշիավտոսերվիս» լցակայանների թեժ գծից հայտնել են, որ որոշ կայաններում «վերջին իրադարձությունների պատճառով» բենզինի վաճառքը ժամանակավորապես սահմանափակվել է (մեկ չեկով առավելագույնը 50 լիտր)։

Պետերբուրգի մոտ գտնվող խոշոր նավթաբազաներից մեկի ղեկավարի խոսքով՝ ամենախնդրահարույցը ԱԻ-95 տեսակի բենզինն է, որի արտադրության ծավալները զգալիորեն նվազել են, հատկապես՝ Կիրիշիում և «Ռոսնեֆտ»-ի Յար