Միջազգային խումբ գիտնականները մանրամասնորեն ուսումնասիրել են մոլիբդենի օքսիքլորիդի (MoOCl₂) բյուրեղի օպտիկական հատկությունները: Այս նյութն օժտված է հատկությունների արտասովոր համադրությամբ և կարող է հիմք դառնալ լրացված իրականության (AR) գերբարակ սարքերի համար, ներառյալ՝ «խելացի» կոնտակտային ոսպնյակները և մանրակերտ (մինիատյուր) ֆոտոնային չիպերը: Հետազոտության արդյունքները հրապարակվել են «Nano Letters» ամսագրում:
«Օպտիկական քամելեոն»
«XPANCEO» ընկերության, Սինգապուրի ազգային համալսարանի և Չեխիայի քիմիական տեխնոլոգիաների համալսարանի գիտնականները պարզել են, որ MoOCl₂-ը դրսևորում է չափազանց բարձր օպտիկական անիզոտրոպիա. դրա վարքագիծն արմատապես փոխվում է՝ կախված լույսի տարածման ուղղությունից:
Մի ուղղությամբ բյուրեղն անդրադարձնում է լույսը, ինչպես մետաղը, իսկ մյուս ուղղությամբ՝ անցկացնում է այն, ինչպես ապակին: Դրա շնորհիվ նյութն ստացել է «օպտիկական քամելեոն» ոչ պաշտոնական անվանումը:
Բացի այդ, հետազոտողները գրանցել են բնական նյութերի համար ռեկորդային՝ լույսի ալիքների ուղղությունը փոխելու բյուրեղի ունակություն: Կանաչ սպեկտրի որոշակի տիրույթում նյութի ներսում լույսը խիստ դանդաղում է, իսկ էլեկտրամագնիսական դաշտը զգալիորեն ուժեղանում է: Սա նոր հնարավորություններ է բացում լույսի և նյութի արդյունավետ փոխազդեցության համար:
Կիրառման հեռանկարները
Շնորհիվ MoOCl₂-ի եզակի հատկությունների՝ այն կարող է օգտագործվել ստեղծելու համար.
- Գերբարակ բևեռացուցիչներ (պոլյարիզատորներ),
- Նանոֆոտոնային սարքեր,
- Մանրակերտ լուսատարներ (սվետովոդներ),
- Նոր սերնդի ֆոտոնային պրոցեսորներ:
Նման տեխնոլոգիաներն ապագայում թույլ կտան ստեղծել կոնտակտային ոսպնյակներ և լրացված իրականության ակնոցներ, որոնք կլինեն մարդու մազից հազարավոր անգամներ բարակ, բայց միևնույն ժամանակ կկարողանան արդյունավետորեն կառավարել լույսը ատոմային մակարդակում:
«Մենք փնտրում ենք նյութ