500 մլն դոլար և 15 մլն տոննա բեռ. ՀՀ հյուսիսային երկաթուղային միջանցքն իրագործելի՞ է

ի հաղորդմամբ՝ ՀՀ վարչապետ Նիկոլ Փաշինյանի հայտարարությունը, որ Արևմուտքի և Արևելքի միջև ամենակարճ երթուղին կարող է անցնել Հայաստանի հյուսիսով, լայն արձագանք ստացավ: Քաղաքական շրջանակներում հիմնական ուշադրությունը կենտրոնացած էր երկրի հարավով 43 կիլոմետրանոց երկաթուղային հատվածի կառուցման վրա, որը ստացել է «Թրամփի ուղի» անվանումը։ Մինչդեռ փորձագիտական հանրույթը վաղուց մատնանշում էր տրանսպորտային այլ միջանցքների զարգացման անհրաժեշտությունը. տարբեր գնահատականներով՝ «Թրամփի ուղիով» մեկ տոննա բեռի փոխադրումից զուտ շահույթը կկազմի մոտ 1 դոլար:

Այժմ իշխանությունները խոսում են մեկ այլ նախագծի՝ խորհրդային ժամանակաշրջանի հին երկաթուղային գծի մասին, որը երկար տարիներ դուրս է մնացել պաշտոնական օրակարգից։

Մայիսի 30-ին Աչաջուրում Փաշինյանը , որ իշխանությունները մտադիր են երկաթուղային նոր ճյուղ կառուցել Ֆիոլետովո գյուղի հատվածում, որպեսզի ՀՀ–ն ունենա Արևելքն ու Արևմուտքն իրար կապող ամենակարճ երկաթուղին։ Նա նշեց` նախագծի համար մեծ գումար է պետք` մոտ 500 մլն դոլար, բայց համոզմունք հայտնեց, որ ներդրողներ կգտնվեն, որովհետև «որովհետև ներդնողը կհասկանա, որ հետ է բերելու էդ փողը»։

Ինչպես է այն աշխատել

Ֆիոլետովո-Իջևան հատվածը ժամանակին մտնում էր Խորհրդային երկաթուղային ցանցի մեջ, որը Հայաստանի կենտրոնական մասը կապում էր հյուսիսարևելյան շրջանների, այնուհետև՝ Ադրբեջանական ԽՍՀ-ի հետ։ ԽՍՀՄ–ի փլուզումից և հայ-ադրբեջանական սահմանի փակումից հետո գծի երկայնքով երթևեկությունը դադարեց, իսկ 2000-ականներին Հաղարծինի շրջանում այն ամբողջովին ավերվեց սելավահոսքերի պատճառով: