ՀՀ–ն կշարունակի մերձեցումը ԵՄ–ի հետ, բայց կզարգացնի հարաբերությունները ԵԱՏՄ–ում

Բաժանորդագրվել

Պաշտոնական Երևանը, վարչապետի խոսքով, կնպաստի Եվրասիական տնտեսական միության շրջանակներում կապերի ամրապնդմանը։

ԵՐԵՎԱՆ, 8 հունիսի Հայաստանը կշարունակի մերձեցումը ԵՄ-ի հետ՝ միևնույն ժամանակ զարգացնելով հարաբերությունները ԵԱՏՄ շրջանակներում։

Խորհրդարանական ընտրությունների քվեարկության ավարտից հետո կայացած ճեպազրույցի ժամանակ այս մասին հայտարարեց ՀՀ վարչապետ, ՔՊ–ի վարչապետի թեկնածու Նիկոլ Փաշինյանը։

«Մենք կշարունակենք մերձեցման կուրսը (ԵՄ-ի հետ, խմբ․), բայց կշարունակենք նաև մեր ընթացքն ու անդամակցությունը ԵԱՏՄ-ին։ Եվ մենք կզարգացնենք մեր հարաբերությունները ՌԴ-ի ու Եվրասիական միության մյուս երկրների հետ։ Մենք նաև կնպաստենք միության շրջանակներում կապերի ամրապնդմանը»,- ասաց Փաշինյանը։

Վարչապետը նաև հայտնեց, որ քիչ առաջ ոչ պաշտոնական զրույց է ունեցել Ֆրանսիայի նախագահի և Վրաստանի վարչապետի հետ։

Հարցին` որքանով են Եվրոպայում պատրաստ ընդունել Հայաստանին, Փաշինյանը պատասխանեց, որ առայժմ Հայաստանն ինքը պատրաստ չէ անդամակցել ԵՄ-ին։ Դրա համար, ըստ նրա, անհրաժեշտ է բարեփոխումներ իրականացնել և երկիրը հասցնել Եվրոպական միության ստանդարտների մակարդակին։

Մայիսի 29-ին Աստանայում կայացած գագաթնաժողովի ժամանակ ԵԱՏՄ անդամ երկրների ղեկավարները Հայաստանի վերաբերյալ ընդունեցին, որում խոսվում է ԵՄ–ին անդամակցելու կամ ԵԱՏՄ–ում մնալու հարցով հնարավորինս շուտ հանրաքվե անցկացնելու մասին։ ՌԴ նախագահ Վլադիմիր Պուտինն Աստանայում կայացած գագաթնաժողովից հետո հայտարարեց, որ Հայաստանը ԵԱՏՄ-ից դուրս գալու դեպքում կարող է կորցնել ՀՆԱ-ի 14 տոկոսը:

Եվրասիական տնտեսական միությունը ստեղծվել է 12 տարի առաջ։ Միավորման անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։ Ստեղծումից ի վեր ԵԱՏՄ անդամ պետությունների ընդհանուր ՀՆԱ-ն 1.6 տրիլիոն դոլարից աճել է մինչև 3.01 տրիլիոն դոլար, անդամ պետությունների միջև փոխադ