Իրանից զենք գնելը կամ TRIPP-ին ստորագրելը․ Դարբինյանը՝ ռիսկերի մասին

«Ուժեղ Հայաստան» կուսակցության անվտանգության հարցերով խորհրդականը անդրադարձել է Հայաստանի անվտանգության ապահովման խնդիրներին և բանակի արդիականացման հեռանկարներին:

Նախկին դիվանագետը վերլուծել է TRIPP նախագծի նպատակները՝ մտահոգություն հայտնելով նոր ռազմավարական գործընկերության վտանգների վերաբերյալ՝ հատկապես Հանրապետության օրվա զորահանդեսին իրանական զինատեսակների ցուցադրման համատեքստում:

Մեկնաբանելով TRIPP-ի զարգացման ստեղծմանը՝ նա նշել է, որ Վաշինգտոնը չի վստահում Հայաստանի գործող ղեկավարությանը և ուզում է անձամբ վերահսկել գործընթացը։

«Մենք տեսնում ենք, որ ԱՄՆ-ն վերցրել է նախագծի 70% մասնաբաժինը, ինչը խոսում է ներկա իշխանության հանդեպ ցածր վստահության մասին»,- նշել է նա։

Անդրադառնալով Հանրապետության հրապարակում մայիսի 28-ի զորահանդեսին՝ նա փաստել է, որ ցուցադրվել են իրանական արտադրության «Քյավոշ» և «Հաֆեզ» ռադարային համակարգեր, ինչպես նաև «Մաջիդ» ՀՕՊ համակարգեր, որոնք ձեռք էին բերվել 2024 թվականին՝ գաղտնի գործարքով:

Ըստ բանախոսի՝ դրանից անմիջապես հետո TRIPP պայմանագրի կնքումը, որը նախատեսում է Մեղրիի հատվածով հարավային տրանզիտային ուղիների բացում, հարվածում է Թեհրանի հետ վստահությանը և կարող է խնդիրներ առաջացնել ռազմական, հատկապես՝ հրթիռների պինդ վառելիքի հետագա մատակարարումների հարցում:

«Հատկապես պինդ վառելիքը հրթիռների համար շատ դժվար է արտադրել և շատ քիչ երկրներ են դրանք արտադրում՝ ԱՄՆ, Կորեա, Ճապոնիա, Չինաստան, Ռուսաստան, Իրան։ Այնպես որ, այո՛, հետագա մատակարարումները կարող է խնդիր լինեն, և սա անվտանգության, զսպման մեխանիզմի լուրջ խախտում է, լուրջ կորուստ է և, փաստորեն, Իրանը կարող է այլևս չվստահել այս իշխանություններին»,- շեշտել է նա։

Դարբինյանն ընդգծել է, որ ներկայիս փաստաթղթերով Հայաստանը դիտարկվում է լոկ որպես տրանզիտային տարածք և շեշտել է, որ