ԿԸՀ-ն անդրադարձել է հոսանքազրկումներին և մեկ տեղամասից քվեաթերթիկներ հանելու դեպքին։

Բաժանորդագրվել

ԿԸՀ–ն ընտրություններից հետո կանդրադառնա պարկով տեղամասից դուրս բերվող քվեաթերթիկների հարցին։

ԵՐԵՎԱՆ, 7 հունիսի. Ընտրատեղամասերում ձայների հաշվարկի փուլում հոսանքազրկումները որևէ կերպ չեն կարող ազդել արդյունքների վրա։ Այսօր լրագրողների հետ զրույցում ասաց Կենտրոնական ընտրական հանձնաժողովի նախագահ Վահագն Հովակիմյանը։ Նրա խոսքով` բոլոր տեղամասերն ապահովված են այլընտրանքային միջոցներով։

«Բոլոր տեղամասերին տրված են հատուկ լամպեր՝ 2-ական, որոնք ի վիճակի են աշխատել 10 ժամ։ Իսկ այն տեղամասերը, որտեղից ուղիղ հեռարձակում է իրականացվում, տեսախցիկները մարտկոցներով ապահովված են։ Այսինքն՝ նույնիսկ եթե այդ տարածքը հոսանքազրկվի և հեռարձակումը մենք չտեսնենք, ձայնագրությունը ընթանում է»,– մանրամասնեց Հովակիմյանը։

Նա հավելել է, որ ցանկացած ահազանգի կամ խնդրի դեպքում հանձնաժողովը կարող է ամբողջությամբ վերարտադրել տեսագրությունն ու պարզել, թե տվյալ տեղամասում ինչ է կատարվել, ուստի քաղաքացիների մոտ չպետք է սխալ տպավորություն ստեղծվի, եթե ինչ-որ պահի հեռարձակումն ընդհատվի:

ԿԸՀ նախագահն անդրադարձել է նաև համացանցում տարածված այն տեսանյութին, որտեղ երևում է, թե ինչպես է մի կին պարկով տեղամասից դուրս բերում աղբամանը նետված քվեաթերթիկները։ Ըստ Հովակիմյանի՝ խոսքը 34-րդ ընտրատեղամասի մասին է։

«Ձայնագրության մեջ ասում է, որ ինչ-որ կողքի գյուղից ասել են, որ քվեաթերթիկները, ոնց որ սխալմամբ, քիչ են տարել, քիչ են ստացել, և ինքը որոշել է, որ այդ քվեախցում ավելացած քվեաթերթիկները վերցնի։ Ինքը մեզ այլ բան է ներկայացնում, բայց այս խնդրին մենք քվեարկության ավարտից հետո հաստատ անդրադառնալու ենք»,– շարունակեց Հովակիմյանը։

<div class="my-4 p-4 rounded-lg shadow-md