Սուքիասյանները 46 մլն դրամով ձեռք են բերել Կենտրոնի հողամասը, ներառյալ մայթի մի մասը

ԱԺ «Քաղաքացիական պայմանագիր» խմբակցության պատգամավոր, գործարար Խաչատուր Սուքիասյանի ընտանիքը սեփականաշնորհել է Երևանի կենտրոնում՝ «Ռոսիա» կինոթատրոնի հետնամասում գտնվող 1844 քմ հողամասը։ Խորենացու փողոցի հողամասը ձեռք է բերվել երկու տասնամյակ առաջվա կադաստրային արժեքով՝ ընդամենը 46 մլն դրամով (96 հազար ԱՄՆ դոլար)։ Այդ արժեքը շատ ցածր է գործող շուկայական արժեքից։

Հողամասի նկատմամբ Սուքիասյանները հետաքրքրություն են ցուցաբերել դեռ 1995 թ.-ին, երբ Խաչատուր Սուքիասյանը սերտ կապեր ուներ օրվա իշխանությունների հետ։ Համայնքային հողամասի վերջնական օտարումը տեղի է ունեցել 2021 թ․-ին, երբ Խաչատուր Սուքիասյանը իշխող ՔՊ խմբակցության պատգամավոր էր։ Վաճառված հողամասը ներառում է նաև Խորենացու փողոցի մայթի մի մասը, որը Երևանի քաղաքապետարանը երբեք չի բարեկարգել։

«Ռոսիա» կամ «Այրարատ» կինոթատրոնի նախկին շենքն ու հարակից տարածքները 2004 թ․-ին են Խաչատուր Սուքիասյանի ընտանիքի անդամները։ Տարիներ առաջ կինոթատրոնին կից կառուցվել է համանուն առևտրի կենտրոնը՝ «Ռոսիա մոլը», որի անմիջապես կողքին վեր է խոյացել «Տերմինալ 5» բիզնես կենտրոնը։ Առևտրի և բիզնես կենտրոնների հարևանությամբ դեռևս չկառուցապատված միակ տարածքը, որ պատկանում է Սուքիասյաններին, Խորենացու փողոցում գտնվող 1844 քմ մակերեսով հողամասն է։ Այն էլեկտրաշարժիչների («Արմենմոտոր») նախկին գործարանի վարչական շենքին կից է՝ Խորենացու, Ագաթանգեղոսի փողոցների և Տիգրան Մեծի պողոտայի հատման մասի հարևանությամբ։

Հողամասը սեփականության իրավունքով գրանցված է «Նարեկ» ՍՊԸ-ի անունով, որը ձեռք բերելու համար 2021 թ․-ին ընկերութունը Երևան համայնքի ընդամենը 46 միլիոն դրամ։ Այն համարժեք է 96 հազար ԱՄՆ դոլարին (վճարման օրվա դրությամբ Կենտրոնական բանկի սահմանած փոխարժեքով)։ «Նարեկ» ՍՊԸ-ի բաժնետերերն