Փեզեշքիանը շնորհավորել է Փաշինյանին և ՔՊ-ին

Բաժանորդագրվել

Փեզեշքիանը վստահություն է հայտնել, որ երկու երկրների միջև ձևավորված դինամիկ և գոհացուցիչ հարաբերությունները կշարունակեն ամրապնդվել և զարգանալ։

ԵՐԵՎԱՆ, 8 հունիսի. Իրանի նախագահ Մասուդ Փեզեշքիանը շնորհավորել է Նիկոլ Փաշինյանին և «Քաղաքացիական պայմանագիր» կուսակցությանը Հայաստանի խորհրդարանական ընտրություններում հաղթանակի կապակցությամբ։

Փեզեշքիանը վստահություն է հայտնել, որ նոր շրջանում ևս վերջին տարիներին երկու երկրների միջև ձևավորված դինամիկ և գոհացուցիչ հարաբերությունները կշարունակեն ամրապնդվել և զարգանալ, ինչը կնպաստի տարածաշրջանում խաղաղության, կայունության և զարգացման ամրապնդմանը՝ տարածաշրջանի երկրների համագործակցության միջոցով։

Հիշեցնենք` հունիսի 7-ին Հայաստանում ԱԺ ընտրություններ անցկացվեցին։ Ընտրություններին մասնակցեց 16 կուսակցություն և 2 դաշինք։ ` «Քաղաքացիական պայմանագիր» կուսակցությանը կողմ է քվեարկել ընտրողների 49,82%–ը, «Ուժեղ Հայաստան» դաշինքին` 23,28%–ը, «Հայաստան» դաշինքին` 9,93%–ը, «Բարգավաճ Հայաստան» կուսակցությանը` 3,9%–ը։